2265 Arnar HU 1 og 1972 Hrafn Sveinbjarnarsson Gk 255 mynd þorgeir Baldursson 5 nóv 2021              2265 Arnar Hu 1 og 1972 Hrafn Sveinbjarnarsson Gk 255 við Slippkantinn mynd þorgeir Baldursson

Næg verkefni eru hjá Slippnum á Akureyri um þessar mundir  og þar ber hæðst að verið er að skipta um kælimiðla um borð i Hrafni Sveinbjarnarssyni Gk 255 og 

Arnari HU 1  verður skipinu siglt í slipp hjá Slippnum á Akureyri, þar verður stærsta verkefnið að skipta um frystikerfi þar sem núverandi kerfi og kælimiðill verða fjarlægð

og nýtt kerfi með umhverfisvænni kælimiðli sett í staðinn,og verður sett Ammoniak i bæði skipinn staðinn fyrir Freon sem að hefur verið bannað 

 það verkefni er unnið í samstarfi við Kælismiðjuna FROST sem hefur séð um hönnun og samsetningu kerfisins.

Einnig verður farið í hefðbundið viðhald þar sem áætlað er að skrokkur verði þykktarmældur, aðal og ljósavélar fari í upptekt, leguskipti verði í gír og togvindum,

farið verði í viðhald á skrúfubúnaði, skipið verður málað að utan og innan ásamt öðrum hefðbundnum verkefnum.

Einhver endurnýjun verður á búnaði og má til dæmis nefna að nýr M500 hausari frá Vélfag mun senda í land roskinn Baader hausara sem hefur þjónað okkur dyggilega síðustu ár.

segir á heimasiðu Fisk

2909 Bjarni Ólafsson AK 70 Mynd þorgeir Baldursson 2021

Bjarni Ólafsson AK liggur í Norðfjarðarhöfn og þar er verið að gera skipið klárt fyrir loðnuvertíð.

Runólfur Runólfsson skipstjóri segir að vinnan gangi vel og menn séu spenntir að halda til veiða. „Ég geri ráð fyrir að við siglum suður til Reykjavíkur á morgun en loðnunótin er þar.

Nótin verður væntanlega tekin um borð á mánudagsmorguninn og síðan verður haldið rakleiðis til veiða úti fyrir Norðurlandinu.

Það skiptir máli að hefja veiðar sem fyrst ef allur sá kvóti sem úthlutað hefur verið á að nást.

Menn verða að halda mjög vel á spilunum til að ná kvótanum og nauðsynlegt verður að veiða drjúgan hluta hans fyrir áramót.

Stóra spurningin í þessu öllu saman er veðrið. Það viðrar oft ekkert sérstaklega vel þarna fyrir norðan á þessum árstíma og veðurútlitið fyrir næstu viku er ekki gott.

Menn verða hins vegar að vera á staðnum og grípa tækifærin í veðurgluggum þegar þau gefast. Það veiðist ekkert ef menn eru ekki til staðar.

Þetta mun allt koma í ljós og það þýðir ekkert annað en vera bjartsýnn,“ segir Runólfur.

Danska uppsjávarskipið Ísafold mun koma á loðnumiðin norður af landinu síðar í dag en það má einungis veiða í grænlenskri lögsögu.

Isafold HG 333 MYND Aðsend

Færeyskur togaranir Rókur FD1205  og Lerkur FD1206 komu til Akureyrar i morgun og er  erindi þeirra hér að endurnýja 

vinnslubúnað á millidekki i samstarfi við slippinn Akureyri og mun verkið að öllum likindum hefjast innan skamms 

Skipin eru i eigu Dótturfélags Samherja i Færeyjum  

Rókur FD 1205 og Lerkur FD 1206 mynd þorgeir Baldursson 5 nóvember 2021                   Lerkur FD 1206 og Rókur FD 1205 Við Bryggju á Akureyri i morgun mynd þorgeir Baldursson         Lerkur FD 1206 og Rókur FD 1205 við Oddeyrarbryggju i morgun mynd þorgeir Baldursson 5 nóvember 2021

                                  2865 Barði Nk 120 við bryggju i Neskaupstað i morgun 4 nóvember mynd Smári Geirsson 

Barði NK kom í morgun með fyrsta farminn af íslenskri sumargotssíld til Neskaupstaðar á nýbyrjaðri vertíð.

Afli skipsins var 1.320 tonn og fer hann til vinnslu í fiskiðjuveri Síldarvinnslunnar. Atli Rúnar Eysteinsson skipstjóri er bjartsýnn á vertíðina.

„Þessi vertíð byrjar vel. Við fengum aflann í fimm holum í Kolluálnum og afli í hverju holi var 150-400 tonn. Það var dregið í 3-6 tíma.

Hér er um að ræða fína millisíld og sýkingin sem hrjáð hefur þennan stofn undanfarin ár er ekki sjáanleg núna.

Það var töluvert af síld að sjá þegar við yfirgáfum miðin þannig að þetta lítur bara býsna vel út,“ segir Atli Rúnar.

Síldarvinnsluskipin Börkur og Beitir héldu til síldveiða vestur fyrir land í gærkvöldi.

Munu þau hafa samstarf um veiðarnar og er áætlað að annað þeirra verði komið með afla til Neskaupstaðar á mánudagsmorgun að afloknu helgarfríi í fiskiðjuverinu.

Börkur Nk 122  og Beitir NK 123 mynd þorgeir Baldursson  3 júni 2021

Landgangur á Björgu EA 7 festur Björn Þórarinsson ásamt Hafnarstarfsmönnum  mynd þorgeir Baldursson

Samherji og Útgerðarfélag Akureyringa greiddu samtals um 65 milljónir króna í hafnargjöld til Hafnasamlags Norðurlands á liðnu ári.  Togarar félaganna landa að mestu á Akureyri og Dalvík þar sem fiskvinnsluhús þeirra eru.

Pétur Ólafsson hafnarstjóri hjá Hafnasamlagi Norðurlands segir á vefsíðu Samherja að bæði félögin séu mikilvægir viðskiptavinir samlagsins. „Sem betur fer erum við ekki með öll eggin í sömu körfunni.

Skemmtiferðaskipin hafa skipt okkur miklu máli en tekjur vegna þeirra brustu algjörlega í fyrra vegna heimsfaraldursins. Góðu heilli tókst Samherja og ÚA að gera út flotann í faraldrinum og gátu séð fiskvinnsluhúsum fyrir hráefni.

Ef það  hefði ekki gengið upp, hefðu tekjur okkar dregist enn frekar saman með tilheyrandi afleiðingum.“

Heildartekjur samlagsins á liðnu ári námu 388 milljónum króna.

Fiskkaup í Reykjavík hafa fest kaup á fiskiskipinu Argos Froyanes. Það er línuskip, sem stundað hefur veiðar á tannfiski, en verður gert út á grálúðunet hér heima.

Skipið er smíðað 2001 og er 48,8 metrar á lengd og 11,03 á breidd.

Í skipinu er búnaður til frystingar.
Ásbjörn Jónsson, framkvæmdastjóri Fiskkaupa, segir að skipið sé nú á Kanaríeyjum og sé væntanlegt heim síðar í mánuðinum en gera þurfi nokkrar breytingar á skipinu til að búa það út til netaveiða.

Nýja skipið leysir Kristrúnu RE af hólmi. Hún var smíðuð 1988 og segir Ásbjörn að þrátt fyrir háan aldur sé Kristrún afbragsskip í góðu standi og verður hún nú sett á söluskrá.

„Argos Froyanes er nokkru stærra skip og hentar vel til veiða á grálúðu langt norður í hafi, þar sem veður geta verið mjög vond,“ segir Ásbjörn.

Frett á audlindin.is

2772 Áley Ve 2 mynd þorgeir Baldursson 2014.

Á fyrstu 9 mánuðum ársins er útflutningsverðmæti loðnuafurða komið í tæplega 21 milljarð króna.

Á fyrstu níu mánuðum ársins er útflutningsverðmæti sjávarafurða komið í rúma 213 milljarða króna. Það er rúmlega 8% aukning í krónum talið miðað við sama tímabil í fyrra. Gengi krónunnar hefur að jafnaði verið um 2% sterkara fyrstu 9 mánuði ársins miðað við sama tímabil í fyrra og er aukningin þar með aðeins meiri í erlendri mynt, eða 10%.

Þetta kemur fram í greiningu frá SFS.

Aukningu í útflutningsverðmætum sjávarafurða má að langstærstum hluta rekja til loðnu. Á fyrstu 9 mánuðum ársins er útflutningsverðmæti loðnuafurða komið í tæplega 21 milljarð króna. Á sama tímabili í fyrra var verðmæti þeirra rétt um 2 milljarðar króna, en þar var um birgðasölu að ræða enda hefur loðnubrestur verið undangengin tvö ár.

Ef verðmæti loðnuafurða er undanskilið í tölum um útflutning, stendur útflutningsverðmæti sjávarafurða nánast í stað á milli ára. Þar innan eru þó talsverðar breytingar. Þannig er útflutningsverðmæti botnfiskafurða ríflega 6% meira í ár en á sama tímabili í fyrra. Aukninguna má rekja til helstu tegunda botnfiska, þorsk, ýsu, ufsa og karfa.

Á móti vegur verulegur samdráttur í útflutningsverðmæti annarra uppsjávarfiska en loðnu, það er síld, kolmunna og makríl, eða sem nemur rúmum 32%. Útflutningsverðmæti þessara þriggja tegunda nemur samanlagt tæpum 21 milljarði króna á fyrstu 9 mánuðum ársins, sem er á pari við útflutningsverðmæti loðnu.

Í kvöld þegar Hoffellið fór út eftir löndun.  Áhöfnin tók á móti köku í tilefni þess að skipið hefur komið með rúman 1,5 milljarð að landi á árinu samtals tæp 35.000 tonn.

Þetta er mesta aflaverðmæti frá þvi að skipið kom til Fáskrúðsfjarðar 2014, en áður hafði verðmæti verið á einu ári rúmur 1,4 milljarður

                                                                                                                                            Tertan Góða sem að smakkaðist afar vel  mynd Kjartan Reynisson 

2685 Hoffell Su 80 mynd þorgeir Baldursson

Sigurður Bjarnason skipstjóri á Hoffelli Su mynd þorgeir Baldursson

1787 Eyji Nk 4 mynd þorgeir Baldursson október 2021                 1787 Eyji Nk 4 hifir plóginn við Norðfjarðarhornið mynd þorgeir Baldursson

Skolla­kopp­ar eða ígul­ker fund­ust á 90% stöðva í leit að mögu­leg­um miðum í Norðfjarðarflóa og Mjóaf­irði síðasta vor. „Niður­stöður könn­un­ar­inn­ar leiddu í ljós að nýt­an­leg ígul­keramið eru á svæðinu, sér­stak­lega í Hell­is­firði og Viðfirði,“ seg­ir m.a. í skýrslu Haf­rann­sókna­stofn­un­ar um verk­efnið.

Afl­inn var 15-200 kíló í togi, en togað var á tíu stöðvum. Meðal­stærð var yfir lönd­un­ar­stærð á öll­um stöðvum þar sem skolla­kopp­ur veidd­ist. Yf­ir­leitt var afl­inn nokkuð hreinn og lít­ill meðafli.

Útgerðarfé­lagið Emel ehf. í Nes­kaupstað stóð fyr­ir leiðangr­in­um og var bát­ur þeirra, Eyji NK-4, notaður við könn­un­ina. Um borð var veiðieft­ir­litsmaður, sem sá um sýna­tök­ur, mynda­tök­ur og skrán­ingu.

Ígul­kerið skolla­kopp­ur eða græníg­ull mun vera eina ígul­kera­teg­und­in við Ísland sem hef­ur verið nýtt. Til­rauna­veiðar hóf­ust, þá stundaðar af köf­ur­um, árið 1984 á nokkr­um stöðum við landið en lögðust af 1988. Árið 1993 hóf­ust veiðar að nýju við landið, en þá voru notaðir plóg­ar við veiðarn­ar. Há­mark landaðs afla var 1.500 tonn árið 1994 og voru veiðarn­ar stundaðar fram til 1998 þegar markaðir hrundu. 2004 hóf­ust plóg­veiðar að nýju í inn­an­verðum Breiðafirði en litlu var landað þar til árið 2007 er afl­inn var 134 tonn.

Síðan þá hef­ur afl­inn auk­ist og mest verið veitt í Breiðafirði en sl. ár hef­ur einnig verið veitt í Húna­flóa og Reyðarf­irði, seg­ir í skýrslu Haf­rann­sókna­stofn­un­ar.